حوزہ نیوز ایجنسی کے نامہ نگار کے مطابق، آیت اللہ علی رضا اعرافی نے پانچویں حضرت رضا علیہ السلام عالمی کانگریس کے علمی سکریٹری حجت الاسلام والمسلمین سید سعید رضا عاملی سے ملاقات کے دوران امام رضا علیہ السلام کے ایران آمد کا ذکر کرتے ہوئے کہا: مرو میں حضرت امام رضا علیہ السلام کی دو سالہ موجودگی امامت اور شیعیت کی تاریخ میں ایک منفرد اور بے مثال حیثیت رکھتی ہے۔

انہوں نے مزید کہا: امام رضا علیہ السلام کی ہجرت عرب ممالک اور دوسرے خطوں سے ائمہ معصومین علیہم السلام میں سے وہ واحد ہجرت تھی اور امام رضا علیہ السلام نے اس ہجرت سے اپنے زمانے کے خطرات کو فرصت اور مواقع میں بدل دیا۔

حوزہ علمیہ کے سرپرست نے کہا: امام رضا علیہ السلام کی زیارت بین الاقوامی سطح پر بہت زیادہ جذابیت رکھتی ہے۔ دنیا میں اس وقت بھی لاکھوں ایسے شیعہ افراد ہیں جو امام رضا علیہ السلام سے بے حد محبت کرتے ہیں لیکن انہوں نے ایک بار بھی آپ کی زیارت نہیں کی۔

انہوں نے کہا: اس کانگرس کو چاہئے کہ وہ لوگوں کے حرم مطہر امام رضا (ع) کی زیارت کرنے اور اور ان کے حرم میں آنے جانے کے انفراسٹرکچر کو مضبوط اور مزید آسان بنانے کوئی کسر باقی نہ اٹھا رکھے۔

آیت اللہ اعرافی نے کہا: بعض بین الاقوامی علاقوں میں کئی میدانوں میں تعاون کے مواقع موجود ہیں۔ ان خطوں میں بوسنیا، سربیا اور جنوب مشرقی ایشیائی ممالک بھی ہیں جن پر زیادہ توجہ دی جانی چاہیے اور ان کا خیال رکھنا چاہیے۔